Məhsullar

Gübrələr və bitki dərman vasitələri bitkilərin böyüməsi, inkişafı və məhsuldarlığının artırılması üçün torpağa və ya birbaşa bitkilərə əlavə edilən qida maddələridir. Onlar torpağın münbitliyini artırır, bitkilərin sağlam inkişafını dəstəkləyir və məhsulun keyfiyyətini yüksəldir. Müasir kənd təsərrüfatında düzgün gübrələmə həm yüksək məhsul əldə etmək üçün, həm də torpağın uzunmüddətli sağlamlığını qorumaq üçün əhəmiyyətli rol oynayır.

Nutri Agro müasir kənd təsərrüfatı üçün etibarlı və effektiv gübrə və bitki dərman vasitələri təqdim edən bir şirkətdir. Bizim məqsədimiz torpağı canlandırmaq, bitkilərin sağlam inkişafını təmin etmək və fermerlərə daha bol, keyfiyyətli məhsul yetişdirməyə dəstək olmaqdır. Hər bir məhsulumuz təcrübələrimiz və texnoloji, elmi araşdırmalar əsasında hazırlanır. Bu, həm məhsuldarlığı artırır, həm də torpağın uzunmüddətli sağlamlığını təmin edir.

Təcrübəmiz və elmi yanaşmamız sayəsində Nutri Agro həm təbii, həm də texnoloji baxımdan balanslaşdırılmış gübrə və bitki qoruma məhsulları təqdim edir. Məhsullarımız torpağın xüsusiyyətlərinə, əkin növünə və bitkinin inkişaf mərhələsinə uyğun hazırlanır. Bununla da fermerlər yüksək məhsul əldə edir, torpaq isə illərlə məhsuldar qalır.

Orqanik və Mineral Gübrələr

Təbii və mineral tərkibli gübrələrimiz torpağın strukturunu bərpa edir, onu qida maddələri ilə zənginləşdirir və mikroorqanizmlərin fəaliyyətini gücləndirir. Orqanik gübrələr torpağı təbii şəkildə qidalandırır, mineral gübrələr isə bitkilərə lazım olan azot, fosfor, kalium kimi əsas elementləri təmin edir. Bu məhsullar torpağın uzunmüddətli münbitliyini qoruyur və bitkilərin sağlam inkişafını dəstəkləyir.

NPK Yarpaq Gübrələri

Yarpaqlardan qidalanma üçün nəzərdə tutulan NPK gübrələri bitkilərin qısa zamanda qidalanmağa kömək edir. Onlar bitkinin enerjisini artırır, çiçəklənmə və meyvə əmələ gəlməsini gücləndirir, eyni zamanda məhsulun keyfiyyətini yüksəldir. Yarpaq gübrələri xüsusilə bitkiyə mənfi təsir edən mühit olduqda, su çatışmazlığı və ya torpaqda qida balansının pozulduğu hallarda bitkilərin sürətli bərpasını təmin edir.

NPK Maye Gübrələr

Asan tətbiq olunan maye gübrələrimiz suvarma və fertiqasiya sistemlərində istifadəyə uyğundur. Tərkibindəki qida maddələri torpağa bərabər paylanır, bitkilər qısa zamanda sağlam və güclü inkişaf edə bilirlər. Bu məhsullar torpağa daxil olduqda köklər vasitəsilə bitkini sürətli qida ilə təmin edir, eyni zamanda torpağın mineral balansını qoruyur. Bunu da qeyd edək ki, maye gübrələr həm açıq sahələrdə, həm də istixana şəraitində məhsuldarlığın artırılması üçün effektiv üsuldur.

NPK Suda Həll Olan Gübrələr

Tamamilə suda həll olan bu gübrələr qida maddələrinin bitkilərə sürətli və itkisiz çatdırılmasını təmin edir. Dəqiq kənd təsərrüfatı və damcı suvarma sistemləri üçün ideal seçimdir. Su ilə qarışdırıldıqda dərhal bitki tərəfindən mənimsənilir və qida maddələri torpağa əlavə itki olmadan çatdırılır.

Süspansiyon Məhsulları

Süspansiyon gübrələrimiz həm maye, həm də bərk gübrələrin üstünlüklərini birləşdirir. Onların sabit və qidalandırıcı tərkibi sayəsində bitkilərə uzunmüddətli təsir göstərir və tətbiqi olduqca rahatdır. Süspansiyon məhsulları, xüsusilə müxtəlif bitki növlərində və fərqli torpaq şəraitlərində balanslı qidalanma təmin edir, məhsulun miqdarını və keyfiyyətini yüksəldir.

Gübrələrin Əhəmiyyəti və Faydaları

Torpaq davamlı kənd təsərrüfatı fəaliyyəti nəticəsində əsas mineralları və qida maddələrini itirə bilər. Bu isə bitkilərin inkişafına və məhsulun keyfiyyətinə mənfi təsir göstərə bilər. Gübrələr bu itkiləri bərpa edir, torpağın regenerasiyasına kömək edir və məhsuldarlığı artırır.

Bitkilərin böyüməsi və sağlam inkişafı üçün azot, fosfor, kalium, kalsium, maqnezium, kükürd, dəmir, manqan, mis, sink, bor və molibden kimi elementlər vacibdir. Düzgün qidalanma həmçinin bitkiləri zərərvericilərə və xəstəliklərə qarşı daha davamlı edir və məhsulun keyfiyyətini yüksəldir.

Məhsullarımız elmi əsaslarla hazırlanır, istifadəsi rahatdır və hər növ əkin üçün uyğunlaşdırılmışdır. Bizimlə torpaq zənginləşir, bitkilər sağlam böyüyür, məhsul isə bol və keyfiyyətli olur.